ក្រុមហ៊ុន Midea Cambodia បានបង្កើតកម្មវិធីសម្រាប់វីរបុរសនៅក្នុងមជ្ឈមណ្ឌលកុមារ កំព្រា ត្រែងត្រយឹង (OCTO)

ភ្នំពេញ ថ្ងៃទី ១៥ ខែមិថុនា ឆ្នាំ ២០២៥ — ក្នុងថ្ងៃទិវាលោកឪពុក ក្រុមហ៊ុន Midea Cambodia បានផ្តល់នូវការគោរព លោក មឿន ចំរើន ដែលបានលះបង់ពេលវេលាស្ទើរតែមួយជីវិតរបស់គាត់ក្នុងការចិញ្ចឹមកុមារកំព្រាជាង ៧០ នាក់ នៅអង្គការថែទាំ និងបណ្តុះបណ្តាលកុមារកំព្រា (OCTO) ក្នុងខេត្តកំពង់ស្ពឺ។ ការធ្វើកម្មវិធីនេះដើម្បីទទួលស្គាល់នូវក្តីស្រឡាញ់ ការលះបង់ និងការប្តេជ្ញាចិត្តជាច្រើនទសវត្សរ៍របស់លោក មឿន ចំរើន ដោយផ្តល់កិត្តិយសដល់លោកមិនត្រឹមតែជាអ្នកមើលថែក្មេងៗប៉ុណ្ណោះទេ ប៉ុន្តែក៏ជានិមិត្តរូបនៃភាពជាឪពុកដ៏ពិតប្រាកដផងដែរ។

លោកឳពុកសម្រាប់កូនៗជាច្រើន

ពាក្យមួយម៉ាត់ក្នុងការហៅថា “លោកឪពុក” ពីក្មេងៗជាច្រើនដោយក្តីស្រលាញ់ពីកូនៗចំពោះ លោកគ្រូ​​​

ចំរើន បានក្លាយជាឪពុកម្តាយទី២ សម្រាប់ក្មេងៗកំព្រាដែលគ្មានគ្រួសារ។ តាម​រយៈ​ការ​លះបង់​ដោយ​មិន​ចេះ​នឿយហត់​របស់​គាត់ គាត់​ផ្តល់​ទី​ជំរក ការអប់រំ និង​ការ​ណែនាំ ដោយ​ចិញ្ចឹម​ពួកគេ​ដោយ​តម្លៃ​នៃ​សេចក្តី​សប្បុរសធម៌ ភាពក្លាហាន និង​ទំនួលខុសត្រូវខ្ពស់។ សម្រាប់​ក្មេងៗ គាត់​មិនត្រឹមតែ​ជា​អាណាព្យាបាល តែគាត់​ជា​វីរបុរស អ្នកប្រៀនប្រដៅរកផ្លូវល្អ និង​ជា​ប្រភព​នៃ​ក្តី​សង្ឃឹម។

ការផ្តល់ជូននូវអំណោយដ៏មានអត្ថន័យពីក្រុមហ៊ុន Midea Cambodia

ជាលើក​ទី​មួយដែល ក្រុមហ៊ុន Midea Cambodia បាន​រៀបចំ​ការ​កម្ម​ពិធី​ដ៏​គួរ​ឲ្យ​ភ្ញាក់​ផ្អើល ដែល​កើតឡើង​ដំបូង​បំផុត​ក្នុង​ជីវិត​របស់​លោក មឿន​ ចំរើន។ព្រឹត្តិការណ៍​រំជួល​ចិត្ត​បាន​​ធ្វើឲ្យ​មណ្ឌល​កុមារ​កំព្រា​ទទួលបាននូវ​ក្ដី​អំណរ និង​ការ​ដឹង​គុណ ដោយ​បន្សល់​ទុក​នូវ​អនុស្សាវរីយ៍​ជា​និរន្តរ៍​សម្រាប់​លោកគ្រូ និង​កុមារកំព្រា។

ជាផ្នែកមួយនៃការប្រារព្ធពិធីនេះ ក្រុមហ៊ុន Midea Cambodia បានបរិច្ចាកម៉ាស៊ីនបោកគក់ទ្វារពីលើទម្ងន់ 12 គីឡូ ដែលជាអំណោយមានអត្ថន័យ ដើម្បីសម្រួលដល់ការមើលថែទាំគ្រួសារប្រចាំថ្ងៃ និងបង្កើតបរិយាកាសដែលមានសុខភាពល្អ និងផាសុកភាពជាងមុនសម្រាប់កុមារទាំងអស់។

កញ្ញា ហាក់ រីណា ជំនួយការប្រធានផ្នែកទីផ្សារនៃក្រុមហ៊ុន Midea Cambodia មានប្រសាសន៍ថា “ការធ្វើជាលោកឳពុកទៅបាន គឺកើតឡើងអំពីសេចក្តីស្រឡាញ់ ការលះបង់ និងការការពារ។”

ការគោរព និង ដឹងគុណ

ការបង្ហាញនូវការដឹងគុណដ៏ជ្រាលជ្រៅពីលោក មឿន ចំរើនចំពោះកម្មវិធីមួយនេះ៖

“កម្មវិធីដ៏នឹកស្មានមិនដល់មួយនេះបានធ្វើឲ្យខ្ញុំដក់នូវអារម្មណ៏មួយជ្រាលជ្រៅដែលមិនអាចបំភ្លេចបាន ខ្ញុំសូមអរគុណជាខ្លាំងដ៏ក្រុមហ៊ុន Midea Cambodia ដែលតែងតែផ្តល់នូវក្តីស្រឡាញ់មិនចំពោះតែខ្ញុំ ផ្ទាល់នោះទេ ថែមទាំងផ្តល់នូវភាពកក់ក្តៅដល់កូនៗជាច្រើនដែលនៅក្នុងមណ្ឌលទៀតផង។”

ការបេជ្ញាចិត្តរបស់ក្រុមហ៊ុន Midea Cambodia

ការដឹកនាំដោយគុណតម្លៃនៃមនុស្សធម៌ ការយកចិត្តទុកដាក់ និងសេចក្តីស្រឡាញ់ Midea Cambodia បន្តគាំទ្រសហគមន៍ជាមួយនឹងគំនិតផ្តួចផ្តើមដែលនាំមកនូវក្តីសុខ សេចក្តីថ្លៃថ្នូរ និងផ្តល់ឱកាសដល់អ្នកដែលត្រូវការជំនួយ។

ទិវាលោកឪពុកនេះ ក្រុមហ៊ុនសូមគោរពជូនពរលោក មឿន ចំរើន ដែលជាគំរូពិត នៃសេចក្តីក្លាហាន និងក្តីមេត្តា រំឭកយើងថា ភាពជាឪពុក មិនត្រឹមតែសម្តៅទៅលើសាច់ឈាមប៉ុណ្ណោះទេ ប៉ុន្តែគឺជាកម្លាំងតស៊ូដើម្បីចិញ្ចឹមបីបាច់ក្មេងៗឲ្យមានអនាគតល្អនាពេលខាងមុខ។

“អរគុណសម្រាប់ការជ្រើសរើសធ្វើជាឳពុកដែលពោរពេញដោយក្តីស្រឡាញ់”

រីករាយទិវាលោកឳពុកពី Midea Cambodia

អំពីមជ្ឈមណ្ឌលកុមារកំព្រា

ត្រូវបានបង្កើតឡើងក្នុងឆ្នាំ 1999 ជាមួយនឹងកុមារតែ 17 នាក់ប៉ុណ្ណោះ អង្គការថែទាំកុមារកំព្រា (OCTO) បានរីកចម្រើនទៅរកទីជម្រកដែលមានសុវត្ថិភាពសម្រាប់កុមារជាង 73 នាក់ ដែលក្នុងនោះ 64 នាក់រស់នៅក្នុងមជ្ឈមណ្ឌល និងជាង 10 នាក់រស់នៅខាងក្រៅដោយផ្តល់នូវជំនួយផ្សេងៗតាម តម្រូវការ។ សព្វថ្ងៃនេះ មណ្ឌលកុមារកំព្រាមានអ្នកមើលថែចំនួន ១៩ នាក់ ដែលផ្តល់ការថែទាំប្រចាំថ្ងៃ អាហារ ការអប់រំ និងជំនួយផ្លូវចិត្តដល់ក្មេងៗ។ លើសពីតម្រូវការមូលដ្ឋាន OCTO 

ក៏ផ្តល់ជូននូវថ្នាក់ភាសាអង់គ្លេស និងតន្ត្រី ក៏ដូចជាការបណ្តុះបណ្តាលក្នុងការសិក្សាអំពីរុក្ខជាតិ ជួយកុមារអភិវឌ្ឍជំនាញសម្រាប់អនាគតដ៏ភ្លឺស្វាង។ ទោះបីជាមានការខិតខំប្រឹងប្រែងទាំងនេះក៏ដោយ មណ្ឌលកុមារកំព្រានៅតែបន្តប្រឈមមុខនឹងបញ្ហាដូចជា ថវិកាមានកម្រិត កង្វះខាត់ធនធាន និងការលំបាកក្នុងការផ្តល់ការថែទាំផ្ទាល់ខ្លួនដល់កុមារគ្រប់រូប។

លោកគ្រូនាយក: Mr. Moeun Chamroeun

លេខទំនាក់ទំនង: 098 718 134

ទីតាំង: https://maps.app.goo.gl/fckR6FpB72ptJbc89

លេខទំនាក់ទំនងក្រុមហ៊ុនៈ

📞លេខទំនាក់ទំនង: (+855) 085 248 777

📱 Facebook: Midea Cambodia

🎥 វីដេអូ :https://youtu.be/J6rQeyFLbnw?si=6QqZEvhpsPQORLpI